DÍA DE ROSALÍA DE CASTRO.

     No Carballal levamos un mes traballando arredor da figura de Rosalía de Castro. 
     Somerxéndonos na vida e na obra desta escritora transgresora, librepensadora e universal.
Maña 24 de febreiro cúmprense 183 anos do nacemento desta muller que tanto fixo pola lingua e literatura galega. Rosalía, a nosa, de Catro.

21DE FEBREIRO. DÍA DA LINGUA MATERNA.

QUE É A LINGUA MATERNA?

A lingua materna é aquela na que os nenos/as  aprenden a falar e a relacionarse coa súa contorna máis próxima.

O Día Internacional da Lingua Materna estableceuse para sensibilizar acerca da importancia dos idiomas e da función vital que desempeñan no desenvolvemento, ao garantir a diversidade e o diálogo intercultural, así como o fortalecemento da cooperación e a consecución da educación de calidade para todos, a construción de sociedades do coñecemento integradoras e a preservación do patrimonio cultural.

CAL É O TEMA DESTE ANO?

 Cada ano, a UNESCO escolle un tema arredor do que xira a conmemoración do Día Internacional da Lingua Materna. Neste 2020, quere lembrar o valor dos idiomas que son á vez locais e transfronteirizos -como o quechua, que se fala en diferentes países de América Latina- para promover o diálogo pacífico e axudar a promover o patrimonio cultural dos pobos que os falan. Tamén o galego é, dalgunha maneira, unha lingua transfronteiriza, na medida en que serve como ponte con Portugal e, en xeral, coa lusofonía.

Texto recollido do PORTAL DA LINGUA GALEGA.

Dende o colexio,  queremos festexar a diversidade de linguas maternas que hai no centro. Para elo queremos facer unha homenaxe as familias que compoñen a nosa comunidade educativa facendo un mural coas súas fotografías. Por iso, pedimos que nos enviedes unha fotografía da vosa familia e que escribades debaixo a vosa lingua materna. 

O MERDEIRO, O NOSO ENTROIDO, A NOSA TRADICIÓN.

O merdeiro é un personaxe do entroido vigués de caracter popular.

Esta figura interprétase coma unha eterna rivalidade entre mariñeiros e labregos, entre a loita cotiá co mar e a tranquilidade do agro.

Durante o  Entroido, os mariñeiros transformábanse en merdeiros con a intención de expresar, con máis forza, as súas animosidades cos do agro. Acostumaban a vestirse ridiculizando aqueles elementos do traxe e aparellos de faena máis representativos e esaxerando o seu comportamento ante a sociedade. O merdeiro acostuma a vagar de xeito improvisado polas rúas da Zona Vella, corre, chota e berra asustando á xente coa vara e pronunciando verbas e frases malsonantes.

Texto recollido da web http://www.omerdeiro.org/

 

 Neste enlace tedes recursos para traballar o Entroido. 

Semana da ILUSTRACIÓN

O Día da Ilustración celébrase desde 2014 cada 30 de xaneiro, coincidindo co día do nacemento de Castelao. Ademais de lembrar e reivindicar o papel dos profesionais da ilustración na industria cultural, cada ano é homenaxeado un ilustrador histórico galego. O protagonista deste ano é Cándido Fernández Mazas.

O Día da Ilustración é unha iniciativa da Consellería de Cultura e Turismo da Xunta de Galicia en colaboración coa Asociación Galega de Profesionais da Ilustración.

No Colexio debido ao mal tempo tivemos que aprazar o acto que íamos celebrar na pista deportiva cuberta, e que consistiría na realización dun grande mural alusivo á paz que as nenas e nenos ilustrarían de maneira totalemente libre, pois coincide no mesmo día coa celebración do día mundial escolar da non violencia e a paz.

Por este motivo cada ciclo estivo realizando durante a semana seguinte de maneira libre a ilustración de diversos murais con diferente temática que decorarían máis tarde algúns dos espacios exteriores cubertos. Aproveitaremos a mellora do tempo para que na xornada de portas abertas do centro que celebramos o día 18 de febreiro xa todos estean colocados.

Día da Ilustración

Semana da Ciencia en Galego na Biblioteca

Do 25 ao 29  de novembro celebramos a «Semana da Ciencia en Galego na Biblioteca», para participar da celebración do mes da ciencia en galego nas bibliotecas que se celebra nese mes tódolos anos para levar a cabo unha maior difusión dos valores científicos e do acceso ao coñecemento.

Semana da Ciencia en Galego 2019

Semana de Tradición Oral_2019

Este curso celebramos a semana de Tradición Oral os días 6, 7 e 8 de Novembro coa actividade do "Teléfono Avariado", empregando os refrán e ditos polulares recompilados polo alumnado e as familias. Esperamos que vos guste e disfrutedes do video igual que todos nós disfrutamos da actividade.

Exposicións literarias

EXPOSICIÓN DE CABAZAS 2019

Dende o Equipo de Normalización da Lingua Galega e o Equipo de Biblioteca, convocámosvos a tódalas familias para a realización dunha expoxición de cabazas coa temática este ano da natureza, e temos que dicirvos que resultou todo un éxito. Todos e todas o pudéstedes comprobar esta semana do 28 ao 30 de outubro, xa que tivemos que dispor de catro mesas a máis do que se precisou o ano pasado por falta de espazo, para poder admirar todas as vosas creación artísticas.

Exposicion de cabazas Samaín 2019

Grazas pola vosa participación!

Todo un exemplo de familias implicadas na educación dos seus fillos e fillas.

EXPOSICIÓN DE XERRAS LITERARIAS

No mes de outubro, co gallo da celebración, o día 24, do "Día das Bibliotecas Escolares", o Equipo de Biblioteca e CARBI, convocamos a todalas familias a participar nunha exposición de Xerras Literarias co obxetivo de sacar dos contos toda a súa esencia. E este foi o resultado:




GRAZAS a tódalas familias participantes polo seu esforzo e interés!!

SAMAÍN/HALLOWEEN

Este é o "comemedos", que ven cada ano o día de Samaín. E chamamoslle así porque lle damos para comer todos os temores e medos que nos asustan, e as veces ata nos quitan o sono. 

Hai moitos anos chegaron a Galicia os pobos Celtas. Ademais dos seus adiantos científicos e técnicos tamén trouxeron a súa cultura e as súas crenzas. Samaín, cando as fronteiras entre o mundo dos vivos e o mundo dos mortos desaparecen... 

CARBI  INFORMA 

ACTIVIDADE1

ACTIVIDADE2

EXPOSICIÓN CABAZAS DE SAMAÍN.

O Día das Bibliotecas Escolares

O 24 de Outubro, celebraremos o Día das Bibliotecas escolares coa lectura en directo a través do Blog de Carbi, de dous libros de Gloria Sánchez que son: "Manual para unha pequena bruxa" e  "Doutor Rus".

Inauguración biblioteca

Por fín chegou Carbi a biblioteca do Cole, e invitounos a todos e todas a ver o bonita que está, pois este ano como vamos averiguar moitas cousas sobre a FLORA, hai árbores, plantas, flores... por todas partes. Xa podemos ir a biblioteca tódolos recreos e tardes cando queiramos. A disfrutar dos libros e do resto dos tesouros que Carbi ten alí para nós.

Carbi xa está aquí!