Lara e a súa nai recítannos unha poesía.

Lara Barciela e a súa nai recítannos unha poesía.


https://drive.google.com/open?id=1J6AnI3dflGlmR7VLs9xxg3tvt6Ql7ner



Moitas grazas Lara e Verónica

Xián cóntanos un conto

Xián, cóntanos o conto " Os esqueletos divertidos"

Para escoitar o conto , tedes que premer nesta ligazón.

https://drive.google.com/open?id=1ejm-Fgdf5o1gBhxp0jpii8j6Z_bofyb1

Moitas grazas Xián

Gonzalo cóntanos unha aventura de cabaleria

Gonzalo lévanos a vivir unha aventura de cabaleiros co libro " Don Quijote"




Moitas grazas Gonzalo

Nayara cóntanos un conto

Nayara cóntanos o conto " As princesas tamén soltan peidos"



Moitas grazas Nayara

Nerea e Loreto cóntannos un conto

Nerea e Loreto cóntannos o  conto " Voy a comedte", promete moitas risas.



Moitas grazas Nerea e Loreto

Fabián, Lois, Paula e Íker comparten con nós contos

Íker e a súa mamá cóntannos o conto " Os tres porquiños"



Moitas grazas Íker

Fabián, Lois , Paula e Íker comparten con nós contos

Paula e a súa mamá cóntannos o conto "La oruga glotona"




Moitas grazas Paula

Fabián, Lois,Paula e Íker comparten con nós contos

A familia de Lois  comparte con nós  o conto " Corre corre , cabaciña"




Moitas grazas Lois

Fabián, Lois, Paula e Íker comparten con nós contos

Fabián recoméndanos un libro mooooooooooooooi divertido




Moitas grazas , Fabián.

FELIZ DÍA DO LIBRO

Neste día son moitas as actividades nas que nos podemos aventurar, aquí deixamos unha proposta, seguide moi atentos porque haberá máis:

FELIZ DÍA DO LIBRO

O DÍA DO LIBRO

O Día do Libro (tamén denominado Día Internacional do Libro e Día Mundial do libro) é un acontecemento anual que se celebra o 23 de abril. A festa celebrouse por primeira vez baixo os auspicios da UNESCO en 1995 coa idea de fomentar a lectura, a edición e publicacións impresas e os dereitos de autor.

UN POUCO DE HISTORIA

As orixes da festa do libro están ligadas a Cataluña e á celebración do Sant Jordi (San Xurxo), cando era costume que os homes agasallasen as mulleres cunha rosa e estas o fixesen cun libro.

En España a xornada comezouse a celebrar oficialmente o 7 de outubro de 1926, en conmemoración do nacemento de Miguel de Cervantes Saavedra. O escritor e editor valenciano, establecido en Barcelona,Vicent Clavel Andrés, propuxo este día á Cámara Oficial do Libro de Barcelona.

O 6 de febreiro de 1926, o goberno español, presidido por Miguel Primo de Rivera, aceptou a data e o rei Alfonso XIII asinou o decreto real que instituíu a Festa do Libro en España.

No 1930, a data conmemorativa foi trasladada para o 23 de abril, día do falecemento de Cervantes, que coincidía coa tradición festiva catalá.

O 15 de novembro de 1995, a UNESCO decidiu proclamar este día, Día internacional do libro e dos dereitos de autor. A Organización das Nacións Unidas para a Educación, a Ciencia e a Cultura quería destacar deste xeito a importancia do libro, que foi historicamente o medio de difusión máis importante do coñecemento así como unha ferramenta esencial de enriquecemento cultural. Esta xornada ten como fin promover o libro e fornecer a través del o acceso á cultura do maior número de persoas posible. A primeira celebración do Día Mundial do Libro tivo lugar o 23 de abril de 1995.

A UNESCO decidiu celebrar conxuntamente o Día do Libro e dos Dereitos de Autor atendendo á casualidade de que a morte de Cervantes (o 23 de abril de 1616 no calendario gregoriano) se correspondía coa data do aniversario do nacemento e morte de William Shakespeare (no calendario xuliano). Na Inglaterra daquel tempo aínda se utilizaba o calendario xuliano, que tiña unha diferenza de 10 días co calendario gregoriano que se usaba en España. Shakespeare, polo tanto, morreu 10 días despois de Cervantes. Ese mesmo día tamén se conmemora a morte do primeiro escritor mestizo, Inca Garcilaso de la Vega, fillo do conquistador Sebastián Garcilaso de la Vega e da princesa Inca Elisabet Chimpu Occlo, irmá de Huayna Capaz, último emperador indio.

O día 23 de abril coincide así mesmo cos aniversarios do nacemento de Vladimir Nabokov, Maurice Druon, Manuel Mejía Vallejo e Halldór Laxness, e co aniversario do falecemento de Josep Pla.

En España, os Premios Cervantes son concedidos cada ano polo Rei en Alcalá de Henares ese día.

CURIOSIDADES

No Reino Unido e Irlanda o Día do Libro vénse celebrando desde o 2002 o primeiro xoves de marzo. Ese día as escolas reparten un vale de 1 libra e 1,5 euros, respectivamente, ós nenos para que poidan mercar os libros (ou audiolibros) que se publican especialmente para esa ocasión ou para mercar calquera outro libro. Ese día moitas escolas celebran maratóns de lectura, mostras e mercados de libros.

En  Uruguay celebran  o seu día nacional cada 26 de maio, data na  que se creou  a primeira biblioteca pública nacional. Pola súa  parte, Paraguay festexa o Día do Libro Paraguayo o25 de xunio.

Desde 2001, unha cidade é elexida como Capital Mundial do Libro. Madrid foi a encargada de inaugurar esta representación que conleva a realización de actividades literarias durante todo un ano. Desde entón, Alejandría, Montreal, Ámsterdam o Nueva Delhi pasaron por iso. En 2019 ostentou o título Sharjah (Emiratos Árabes). Este ano, a cidade elexida era Kuala Lumpur, a capital de Malasia, pero o programa de actividades foi suspendido polo coronavirus.

 (Esta información a atopei na Na Galipedia, a Wikipedia en galego.)

FELIZ DÍA DO LIBRO

QUERIDAS FAMILAS, 

Cos ingredientes(as vosas palabras, imaxinación ,emocións...) que atopamos comezamos a cociñar e xa sabedes , foi un sen parar. Esperamos que vos guste este poema cociñado, que sen  as vosas palabras non dariamos creado.

Moitas grazas a todos e todas, preparádevos para degustar un poema sen igual.

POEMA COCIÑADO

"Comeza este poema

que sae do corazón

con todas as vosas palabras

tan cheíñas de amor

Un día máis estou morriñento

Todo isto me resulta moi cruento

e, aínda que preciso dun agarimo,

as miñas propias ganas reprimo.

Pola fiestra entraban

recendos frescos de papoula

e o seu aroma aloumiñaba

cada recanto do fogar

A felicidade parecía agochada

nunha noite sen luar

máis a resistencia do toxo

nunca a ía doblegar.

Na casa, faltaba o sono .

A fragancia transportounos

a unha infinda pradaría

ateigada de flores.

Co perfume chegou a esperanza,

a ledicia, a solidaridade

que transformada en agasallo

inundou aquel  lar de liberdade

Nestes momentos de solidaridade

no que todos temos moita forza

acordámonos desas amizades

con gran felicidade

As ás da bolboreta

aínda que enferruxadas

non deixan de agochar

a forza do bico esperado.

E o corazón latexa

cal cabalo desbocado

á espera de dar apertas

como agasallos desexados

Nunha noite de luar

o can ouveou,

rinchou o cabalo,

a aguia chiou,

miañou o gato,

a avéspora zoou.

E a bolboreta?

Espertou

Era un pouco toxo,

Falou.

-Eu non!

E marchou.

Cada momento que estás aí

como un cabalo me fas sentir.

Neste intre de escuridade,

busco esperanzas de liberdade.

non teñas medo, estamos aquí.

bicos e apertas esperan por ti.

Non fago por gusto este esforzo voraz,

senón polo meu anhelo de saúde e paz.

Oxalá puidera brincar ata a abrótea

ou botar a voar coma unha gaivota.

Non perdades a esperanza,

pronto poderedes dar,

todos eses bicos e apertas

a todas as vosas amizades.

Non, todos temos a esperanza

de volver a aloumiñar

a esas persoas tan riquiñas

que nos están a esperar

Persoas como os irmáns e os curmáns

que igual que o toxo  segue amarelo  e

o amorodo  segue  vermello

eles por nós esperarán

Que agasallo tan apreciado

neste tempo anhelado

estamos a esperar

como  un prato de patacas

a liberdade chegará

Resistirei como o enxebre

Cando o reloxo nos deixe

sairemos en patinete

E deixaremos a saudade, 

chegará a liberdade.

Eu serei moi feliz de estar con vós aquí"

Moitas grazas tamén a todos os mestres e mestras (os meus axudantes), que o fixeron posible.

DÍA MUNDIAL DE CONCIENCIACIÓN DO AUTISMO

Hoxe , 2 de abril tamén celebramos O DÍA MUNDIAL DE CONCIENCIACIÓN SOBRE O AUTISMO, e eu (son CARBI) pensei en compartir con vós esta historia que rebuscando polas bibliotecas e falando cos meus amigos e amigas de todo o mundo atopei nun blog SOÑANDO CUENTOS. Esta é a historia:

...Sara é así. Quédase inmóbil durante horas
sen falar, sen oír, sen mirar, sen xogar con ninguén.
Sara viaxa e vaga nos seus pensamentos,
non se sabe como nin por donde.
Vive no interior do seu mundo , en soidade...

Este párrafo pertence ao libro "Fálame" da editorial Kalandraka. O seu autor é Marco Berrettoni e a ilustradora é Chiara Carrier.

Participa dende a casa no concurso : Un poema na túa voz.

Por mor das circunstancias excepcionais que estamos a vivir, estes días temos pechadas as bibliotecas escolares, as bibliotecas públicas e as librerías.

Neste momento no que os nenos e nenas están nas casas coa súa familia, nós animámosvos a ler con eles poesía galega, que sexan os rapaces e rapazas as que vola lean e a que gravedes as súas lecturas.
Aproveitemos este tempo para ler poesía en galego en familia e, se queredes, participar no concurso de GÁLIX: "Un poema na túa voz", pois variamos as bases de maneira que ademais participar a través as bibliotecas escolares e públicas ou as librarías, tamén se poida facer a través das familias.
Velaquí a nosa proposta para pasar unha corentena en familia:
e tendes entre 6 e 14 anos podedes participar no concurso.
Escollede un poema tradicional ou de autor.
Gravádeo cun móbil ou no ordenador (a familia, se quere, pode facervos os efectos de son).
Mandade o arquivo a galix@galix.org
Lembrade poñer os datos do poema!!
Título.
Autoría; ou tradicional, popular, se non ten autora ou autor coñecido.
Libro de poemas ao que pertence, se fora o caso.
Editorial, se está publicado.
Datos da(s) persoa(s) lectora(s).
Nome e apelidos:
Ano de nacemento:
Curso escolar:
IMPORTANTE!!!
Se concursades desde a casa poñede os datos da familia.
Nome e apelidos dunha persoa adulta responsable
Enderezo.
Teléfono.
Correo electrónico de contacto.

Acceso ás bases modificadas:
Bases
Ficha de datos
Modelo de autorización
ANIMÁDEVOS!!!

DÍA INTERNACIONAL DO LIBRO INFANTIL E XUVENIL

Conmemoramos cada 2 de abril, aniversario do nacemento do escritor danés Hans Christian Andersen, o Día Internacional do Libro Infantil (DILI).

Con esta celebración o IBBY pretende promocionar a boa literatura infantil e xuvenil. Cada ano encoméndase a unha sección nacional a selección das persoas relevantes no seu país que, no campo da escrita e da ilustración, realizarán o cartel e a mensaxe que se traducirá a todas as linguas presentes na organización e se difundirá a nivel internacional.
Este ano 2020 corespóndelle á sección de Eslovenia representar ao IBBY a través do texto de Peter Svetina e o cartel de Damijan Stepancic.
GÁLIX, como sección da OEPLI, ocúpase da tradución ao galego e da súa difusión en Galicia.
Co obxecto de promocionar os bos libros e a lectura entre os máis novos, a OEPLI e as súas seccións (GÁLIX, ClijCat, Galtzagorri, Consejo General del Libro Infantil y Juvenil) anima ás bibliotecas, públicas e escolares, librerías e institucións á celebrar este día con actividades de promoción da lectura coa súa adhesión á celebración mediante inscrición electrónica a través da web da OEPLI (www.oepli.org).

MES DO LIBRO NO CARBALLAL

Bo día marabillosos lectores e lectoras,este mes de abril, nós no Carballal, llo temos pensado dedicar ao LIBRO e para comezar coa celebración pensamos esta proposta:
Animádesvos a contarnos un conto, a lernos un libro ou unha parte del, a recitarnos unha poesía.
A idea é que se vos apetece contar, ler ou recitar, vos poden gravar e podedes mandalo ao correo de Carbi, bibliocarbicarballal@gmail.com.

Esta proposta é para toda a comunidade educativa, para as nenas e nenos, para as avoas e avós, para as mamás e papás, para os irmáns, para os tíos..., para as mestras e mestres,...

Que gañas temos de escoitar os vosos contos, libros , poesías...!!!! Ánimo!