Visitamos a Residencia de Maiores BARREIRO

Un ano máis o alumnado de 5º e 6º de Primaria levou a cabo unha actividade solidaria dentro do programa «Bibliotecas Solidarias». Por este motivo o 20 de decembro, trasladámonos á Residencia de Maiores DomusVi de Barreiro, para ofrecer aos máis maiores un momento de entretemento coa nosa actuación nestas datas tan sinaladas e que agradeceron moitísimo. Preme na imaxe e accede ao noso blog para disfrutar tamén ti deses momentos!

O APALPADOR.

   O vello Apalpador, tamén chamado en zonas Apalpabarrigas, ou Pandegueiro en partes do oriente ourensán, é unha figura lendaria galega que achega os agasallos ás nenas e nenos a noite de ano vello (ou a de nadal). Baixa das devesas do Courel, entra pola noite nos cuartos das nenas e nenos e moi silenciosamente lles apalpa as súas barriguiñas por ver se están mantidos. Se están cheas dilles: «Así, así esteas todo o ano» e déixalles unha presa de castañas. Senón cala, pero tamén lles deixa as castañas.

   Para tranquilizar aos rapaces, bulideiros pola inquedanza da chegada do Apalpador, os pais cantábanlles esta canción:

Vaite logo, meu meniño (miña meniña)

marcha agora para a camiña

que vai vir o Apalpador

a apalparche a barriguiña.

Xa chegou o día grande

día do noso Señor.

Xa chegou o día grande

e virá o Apalpador.

Mañá é dia de cachela,

que haberá gran nevarada

e há vir o Apalpador

cunha mega de castañas.

Por aquela cemba

xa ven relumbrando

o señor Apalpador

para darvos o aguinaldo

CONTOS.

CANCIÓNS. 

ENLACES DE INTERESE: 

Recursos CGENDL

Carta para o Apalpador. 

O Apalpador, unidade didáctica. 

https://www.apalpador.gal/

http://oapalpador.eu/

https://gl.wikipedia.org/wiki/Apalpador

XOVES LECTORES

Neste curso comezamos unha nova actividade “Xoves lectores”, una actividade voluntaria de ler por pracer a outros/as compañeiros/as.

Os nenos/as de 3º,4º,5º e 6º que queiran , poden ir a lerlles aos seus compañeiros/as de 1º,2º e Infantil.

Previamente teñen que anotarse nun cartel que hai cerca da porta da biblioteca.

XOVES LECTORES

EXPERIMENTOS

Co motivo de celebrar o mes da ciencia nas bibliotecas escolares, na nosa decidimos dedicarlle a última semana deste mes e convertirnos en fantásticos/as científicos/as, xogando e aprendendo coa ciencia.

EXPERIMENTOS_18-19