RECOMENDACIÓNS LECTORAS DE NADAL

Coa proximidade das vacacións de Nadal, dende o equipo de Biblioteca do cole, queremos facervos unhas recomendacións lectoras para entreter aos máis peques da casa!! Agardamos que vos gusten! Bo Nadal!

DÍA INTERNACIONAL DAS PERSOAS CON DISCAPACIDADE

O Día Internacional das Persoas con Discapacidade celébrase o 3 de decembro. O seu principal obxectivo é visibilizar o apoio á inclusión social das persoas con discapacidade. Esta data foi elexida para facer un chamamento universal para lograr unha sociedade o máis inclusiva e acesible posible. Trátase de promover os dereitos e o benestar das persoas con discapacidade en cada ámbito da sociedade, así como concienciar sobre a súa situación en todos os aspectos da vida. Dende a biblio do cole temos selecionados un conxunto de libros e contos para poder traballar sobre este aspecto ademais de propoñer diferentes páxinas de curtametraxes e contos que podedes disfrutar dende as vosas casas!! CONTOS DÍA INTERNACIONAL DAS PERSOAS CON DISCAPACIDADE

MOCHILAS VIAXEIRAS EN MARCHA!!!

Outro curso e xa están aquías "Mochilas Viaxeiras". Os libros son fiestras abertas ao mundo, porque grazas a eles temos a oportunidade de ver, de coñecer, de viaxar, de aprender... Durante a infancia, a familia é o principal referente en tódolos ámbitos, polo que debe selo tamén no exercicio da lectura. Esta mochila é unha invitación á lectura en familia, unha pequena escolma do que podemos atopar na BIBLIOTECA ESCOLAR. Xunto cos materiais tamén mandamos o "Caderno Viaxeiro" para que cada familia aporte as súas impresións sobre a actividade, os materiais, o libro que máis vos gustou... podedes facer algún debuxo que ilustre unha sensación, un pensamento.. en fin, o que queirades manifestar. Ánimo e boas lecturas!!

SAMAÍN

E que ben o pasamos e que guapos e guapas iamos!!! Con esta festa os celtas conmemoraban o cambio de estación. É unha data que coincidía co final da tempada de cosecha e daba comezo un novo ciclo!! Hoxe en día, mesturada coa festa do Halloween, disfrazámonos terroríficamente, adornamos o cole cos nosos calacús e disfrutamos de talleres xeniales que organizamos coa axuda de nais do cole para disfrute dos máis pequenos!!

DÍA DAS BIBLIOTECAS ESCOLARES

O pasado 24 de outubro celebramos o DÍA DAS BIBLIOTECAS ESCOLARES no cole. Como cada curso escolar, éste é un día de fomentar o gusto pola lectura. O noso cole convertiuse nun gran espazo onde se mesturaban personaxes moi variados da literatura infantil. O noso acto deste ano centrouse no diseño e gravación das palabras máis fermosas que coñecemos do galego e relacionar así esta conmemoración co proxecto que estamos a levar a cabo "Marabillas de Galicia".

INAUGURACIÓN DA BIBLIO

O pasado venres,14 de outubro, celebramos un acto inaugural da biblioteca do cole. Tendo en conta que o noso proxecto de traballo para este curso ten como temática principal "Marabillas de Galicia", non poderiamos empezar por outra cousa que non fora a bandeira e o himno galego. Asi que, puxémonos mans á obra, e adornamos con moitas bandeiras o noso espazo máis preciado, a biblio, e despois xuntámonos no patio, instrumentos en man, para acompañar as notas do himno galego... Xa aproveitamos que estabamos de troula para poñer música do país e botarlle uns bailes!!!

LECTURAS RECOMENDADAS PARA O VERÁN

Estas son as lecturas recomendadas para o alumnado de educación infantil

Lecturas recomendadas para alumnado dos cursos 1º, 2º e 3º de primaria

Lecturas recomendadas para o alumnado de 4º, 5º e 6º de primaria.

LETRAS GALEGAS 2022

O 17 de maio, día das Letras Galegas, rendimos homenaxe a Florencio Manuel Delgado Gurriarán. Puxémonos mans á obra decorando o cole e traballando sobre a vida e obra deste autor. Pero, ademais, no noso centro organizouse un bonito festival de música, baile, canción e recital de poemas para celebrar tamén un día de exaltación da nosa lingua!! "O idioma é a forza que nos xungue e sostén, se perdemos a fala non seremos ninguén" (Manuel María). Deixámosvos aquí, algunhas das actividades feitas en artística, así como unha mostra da decoración dos nosos pasillos!!