Durante dúas semanas de outubro pasamos pola biblioteca para
aprender e traballar dúas lendas da nosa tradición. Puidemos ilustralas,
modificalas, facer xogos…
8 ene 2019
2 ene 2019
20 dic 2018
Visitamos a Residencia de Maiores BARREIRO
Un ano máis o alumnado de 5º e 6º de Primaria levou a cabo unha actividade solidaria dentro do programa «Bibliotecas Solidarias». Por este motivo o 20 de decembro, trasladámonos á Residencia de Maiores DomusVi de Barreiro, para ofrecer aos máis maiores un momento de entretemento coa nosa actuación nestas datas tan sinaladas e que agradeceron moitísimo. Preme na imaxe e accede ao noso blog para disfrutar tamén ti deses momentos!
18 dic 2018
O APALPADOR.
O vello Apalpador, tamén chamado en zonas Apalpabarrigas, ou Pandegueiro en partes do oriente ourensán, é unha figura lendaria galega que achega os agasallos ás nenas e nenos a noite de ano vello (ou a de nadal). Baixa das devesas do Courel, entra pola noite nos cuartos das nenas e nenos e moi silenciosamente lles apalpa as súas barriguiñas por ver se están mantidos. Se están cheas dilles: «Así, así esteas todo o ano» e déixalles unha presa de castañas. Senón cala, pero tamén lles deixa as castañas.
Para tranquilizar aos rapaces, bulideiros pola inquedanza da chegada do Apalpador, os pais cantábanlles esta canción:
Para tranquilizar aos rapaces, bulideiros pola inquedanza da chegada do Apalpador, os pais cantábanlles esta canción:
Vaite logo, meu meniño (miña meniña)
marcha agora para a camiña
que vai vir o Apalpador
a apalparche a barriguiña.
Xa chegou o día grande
día do noso Señor.
Xa chegou o día grande
e virá o Apalpador.
Mañá é dia de cachela,
que haberá gran nevarada
e há vir o Apalpador
cunha mega de castañas.
Por aquela cemba
xa ven relumbrando
o señor Apalpador
para darvos o aguinaldo
CANCIÓNS.
9 dic 2018
XOVES LECTORES
Neste curso comezamos unha nova actividade “Xoves lectores”, una actividade voluntaria de ler por pracer a outros/as compañeiros/as.
Os nenos/as de 3º,4º,5º e 6º que queiran , poden ir a lerlles aos seus compañeiros/as de 1º,2º e Infantil.
Previamente teñen que anotarse nun cartel que hai cerca da porta da biblioteca.
2 dic 2018
EXPERIMENTOS
27 nov 2018
Visita da escritora LEDICIA COSTAS
O pasado 27 de novembro estivo co alumnado de 5º e 6º a escritora Ledicia Costas, premio nacional de literatura xuvenil e infantil 2015. Falounos do seu último libro: «A señorita Bubble», o cal tivemos a oportunidade de ler o pasado curso, e respostou ás preguntas que tiñamos preparadas para ela. Ao rematar adicou e firmou os nosos exemplares.
Para saber algo máis e ver algúns momentos vividos coa escritora viguesa premede na imaxe.
15 nov 2018
MAGOSTO NO CARBALLAL.
Queres saber como imos festexar o MAGOSTO??
Pincha nas imaxes e poderás escoitar unha cuña de radio e un vídeo explicativo elaborados polos nenos e nenas de sexto.
Non esquezas comentar!!
25 oct 2018
24 oct 2018
SAMAÍN/HALLOWEEN
Samaín, cando as fronteiras entre o mundo dos vivos e o mundo dos mortos desaparecen. Para os pobos celtas isto simbolizaba o principio do ano céltico, a fin do verán e o comezo do inverno.
Na antiga cultura céltica o tempo de Samaín, especialmente a noite do 31 de outubro ao 1 de novembro, era o período máis importante do ano. Eran datas claves para reunirse nos camposantos, comer o ritual e comunal porco de Samaín e concelebrar as farradas festeiras dos guerreiros. Era a noite máis perigosa do ano pois, as portas do outromundo abríanse nestas horas e as ánimas eran quen de vir visitar este mundo e as seus moradores para render contas inacabadas. Para afastar dos seus castros as perigosas ánimas adoitaban poñer no alto das muradas, ou encastradas nas paredes, as cabeiras ilumninadas dos inimigos mortos en campaña. De aquí, dos ritos e crenzas célticas ao redor da caveira, vén a tradición europea de facer caliveras na cortiza dos melóns, ou cabazos, ou calabazotes.
23 oct 2018
Día internacional das Bibliotecas Escolares
XA PODEDES VISIONAR Á LECTURA COLECTIVA DO LIBRO DE "O PRINCIPIÑO" QUE TIVO LUGAR NA NOSA BIBLIOTECA PARA CELEBRAR O DÍA DAS BIBLIOTECAS ESCOLARES. Premede na imaxe!!
18 oct 2018
OLLO Á PUBLICIDADE!!
Pincha na imaxe para escoitar a fantástica cuña publicitaria que fixeron os nenos e nenas do equipo Galaxy de sexto de primaria para a nosa biblioteca.Carbi escoitouna con atención e está preparado. E vós?
De que será a publicidade?
2 oct 2018
1 oct 2018
INAUGURACIÓN DA BIBLIOTECA PARA O CURSO 2018-2019
O día 1 de outubro ábrese novamente a biblioteca para este curso. E Carbi invitanos a ir moito por alí, a facerlle visitas e a disfrutar de todos os tesouros que el desexa compartir con nós.
E así o fixemos...alá fomos todos e todas cos nosos carnets! E mira que sorpresa nos atopamos:
TODOS ESTES ASTRONAUTAS!!!
Suscribirse a:
Entradas (Atom)