Cantares Gallegos

As poesías de Rosalía de Castro son unha mostra marabillosa da literatura de Galicia, xa que nelas falaba de diferentes aspectos que tiñan que ver coa sociedade e natureza galega: a emigración, a paisaxe, a cultura popular, o amor e o desamor...
Deixámosvos unha mostra. Agardamos que vos guste tanto como a nós.

Aniversario de Cantares Gallegos

Na biblioteca, fixemos diversas actividades co motivo do Aniversario de Cantares Galegos, aquí queda un reflexo das mesmas.

  
2º Ciclo                                                                            3º Ciclo

150 ANIVERSARIO DE "CANTARES GALLEGOS"

O vindeiro 24 de febreiro celebraremos o 150 aniversario da primeira edición do libro "Cantares gallegos" de Rosalia de Castro.
Para que aprendades máis sobre a autora déixovos esta presentación, elaborada polo  CEIP Sal Lence.
Tamén podedes consultar os seguintes enlaces:

• Fundación Rosalía de Castro. 
• Rosalía de Castro, poesía, prosa...
• Na Galipedia. 
• Negra sombra en youtube.
• Adios rios, adios fontes no youtube. 
• En Practicopedia.

APRENDE A BUSCAR NA REDE CON EFICIENCIA

Unha presentación estupenda, froito do traballo colaborativo de Charo Sánchez e Olga Rodríguez que nos axudará a mergullarnos no mundo da rede e no afogar.

PROXECTO DE CONTOS CLÁSICOS: BRANCANEVES

Na aula de cinco anos, comezamos a traballar o proxecto do conto clásico de Brancaneves e para iso creamos un recanto na aula, o recanto de Brancaneves con quebracabezas, debuxos, diferentes contos ,... Aquí tendes o noso recanto:

AUTORES OU AUTORAS DOS CONTOS CLÁSICOS?

Saberías dicir que escribiu o conto "O soldadiño de chumbo"? E "Riciños de ouro"?

 Só tes que investigar un pouco.

 Pincha na imaxe e mergúllate no mundo dos autores dos contos clásicos.

E para que vexades o ben que estamos investigando, deixámosvos unhas fotos. Xa estamos feitos todos uns detectives virtuais, e estamos recollendo os resultados das nosas pescudas en murais.

GHANDI

Presentacion gandhi from

Libros para a Paz

Entre o CEIP Carballal-Cabral e o CEIP Eduardo Pondal tivo lugar un intercambio de Libros da Paz que queremos compartir con todos vós.

Feliz Día da Paz 2013!

 

30 de Xaneiro. Día da Paz.

O 30 de Xaneiro celébrase o Día da Paz. Este ano decidimos aproveitar a data para aprender algunhas cousas sobre GHANDI, e desta maneira saber por qué o Día da Paz se celebra precisamente este día e non outro calquera.

O 30 de Xaneiro de 1948 foi o día que morreu Gandhi, coñecido por defender os dereitos do seu pobo sen utilizar a violencia e, polo tanto, gran defensor da PAZ. En conmemoración e homenaxe, decidiuse dedicar este día a celebrar a Paz. 

Se queredes saber máis sobre Gandhi, tedes na biblioteca o libro "Me llamo... Gandhi":

Ente outras cousas, para a nosa celebración (conxunta co CEIP Eduardo Pondal) decidimos enviar esta canción que gravamos entre todos, así como unhas chapas conmemorativas.

PUBLICISTAS

Os nenos/as de 3º primaria viñeron a visitarme para facer uns carteis.
Quedáronlle moi ben!
Pinchade na imaxe para botar un ollo.

O Doodle de Carapuchiña

O 20 de Decembro, en plena semana dos contos clásicos, o buscador web Google celebrou o 20 Aniversario da publicación do primeiro libro dos Irmáns Grimm.

Deixounos este marabilloso Doodle coa historia completa da Carapuchiña Vermella. Podedes ver o conto completo premendo na imaxe. 

A semana dos Contos Clásicos

A semana dos Contos Clásicos foi un éxito! Nela aproveitamos para recordar contos por todos coñecidos e, en algunha ocasión, darlle un xiro diferente para asomarnos a novas perspectivas. Noraboa a todo o alumnado pola súa participación! Preme nas imaxes para ver os resultados.

UNHA MESA CHEA DE LECTURA.

     Aquí van as recomendacións de Nadal deste ano, podedes pinchar nas imaxes para descargar os documentos ou velos   máis grandes. 

     Dende o Equipo de Biblioteca desexamos que teñades unhas FELICES FESTAS!

Para todas as nais e pais,

dos nenos e nenas do Carballal,

unha mesa chea de lecturas

para que vivades aventuras. 

Escolma de refráns

Para celebrar a Semana da Literatura de Tradición Oral imos elaborar unha escolma de refráns, ditos, adiviñas... que utilicemos nos nosos fogares ou teñamos escoitado algunha vez.

Para botarvos unha man, deixámosvos esta presentación con refráns relacionados cos meses de ano.

Lembrade que nesta presentación non están incluídas as actividades, pero poderedes facelas no cole na aula de informática. 

Dende aquí as mestras e mestres podedes descargar o arquivo da actividade. Lembrade que é preciso ter instalado o Smart Notebook, versión 10 ou superior.

MAGOSTO

No mes de novembro, en Galicia, celébrase unha data moi especial, o MAGOSTO. É unha celebración propia da nosa terra, xa que noutros lugares non se celebra

Actividade feita por Ana Martínez Rey, recollida da web O Recanto de Mik.	Información recollida da web do Concello de Arteixo procedente da web O Recanto de Mik.
Refráns, adiviñas, poemas, ditos de outono, recollidos da web O Recanto de Mik.	Información recollida da web galicias.com

Corre, corre, cabaciña

No día do Samaín, o alumnado de Infantil e Primeiro ciclo de Primaria vimos, na hora de ler, un conto titulado "Corre, corre cabaciña". Foi moi divertido! Aquí volo deixamos para que poidades disfrutar del outra vez.

 

Pero a sorpresa non remata aquí, se vos gustou o conto non podedes deixar de escoitar a  súa canción.

 

 

 

 

Mochilas Viaxeiras

Durante este mes de Novembro comezarán a súa andaina as mochilas viaxeiras. De casa en casa, de familia en familia; cheas de libros, de historias e de aventuras para compartir.

Traballos de Samaín

Noraboa a todos os rapaces e rapazas que participastes na WebQuest do Samaín elaborando murais e contos!

Se queredes ver os resultados, premede nas imaxes.

3º Ciclo

2º Ciclo

OS NENOS/AS DE PRIMARIA CELEBRAN O DÍA DAS BIBLIOTECAS ESCOLARES

O alumnado de primaria non quedou atrás á hora de namorarse da nosa biblioteca. 

No primeiro ciclo tamén vimos a curta "Romance de biblioteca" e aquí están os personaxes de conto dos que nos namorariamos sen dubidalo:

Os maiores (de 2º e 3º ciclo) vimos a curta "Los libros fantásticos que vuelan" e, ademais de quedar fascinados coa trama da historia, quixemos plasmar en papel todo o que nos gusta dos libros e o que fai que sexan tan importantes e especiais para nós. Aquí vos deixamos as nosas reflexións:

OS NENOS/AS DE INFANTIL CELEBRAN O DÍA DAS BIBLIOTECAS ESCOLARES

O pasado día 24 de outubro, os nenos e nenas de Infantil acudimos á biblioteca do noso cole, para celebrar o día das Bibliotecas Escolares. Alí, puidemos ver unha curta sobre dous personaxes de contos que vivían nunha biblioteca e entre eles xurdía o amor. Despois de ver a curta fixemos un debuxo sobre o noso personaxe de conto favorito.

 Que ben o pasamos! O lema dese día foi:" Namórate da Biblioteca".

Namórate da biblioteca on PhotoPeach

E aquí están as nosas creacións, xa vedes que somos pequenos artistas!

FELIZ DÍA DAS BIBLIOTECAS ESCOLARES!

Parabéns a todos/as os nenos/as que poden gozar todos os días nas súas bibliotecas escolares. Hoxe 24 de outubro de 2012 celébrase o día das bibliotecas escolares. 

Non hai nada máis marabilloso que mergullarse nunha biblioteca para buscar ese libro que alguén escribiu para ti, porque de seguro que está aí, só tes que buscalo! 

Seguramente non o atopes á primeira, pero se insistes aprecerá, so é cuestión de tempo e paciencia, pero asegúroche que o día que o atopes a túa vida cambiará. 

Aquí tendes estas fantásticas curtas para celebralo, a primeira é un agasallo para o 2º e 3º ciclos e a da dereita é un agasallo para infantil e 1º ciclo, estou impaciente por ver os resultadados das vosas actividades. 

Carbi.

FORMACIÓN DE USUARIOS 1º CICLO

Open publication - Free publishing

Chega o Samaín!

Achégase o 31 de Outubro, día de Samaín; unha data con moita historia xa que na época dos celtas sinalaba a fin do verán e o comezo do inverno.

Para celebrar esta festa propoñévosvos unha serie de actividades para os diferentes ciclos ás que poderedes acceder facendo clic nas imaxes.

Infantil e 1º Ciclo

2º Ciclo

3º Ciclo

O CARTEL DESTE ANO.

   Con este lema, Biblioteca escolar, acelerador de innovación, preséntase o cartel que neste curso 2012/2013 edita a Consellería de Cultura, Educación e Ordenación Universitaria.

Nesta ocasión, a ilustración correspondeu ao creador galego Andrés Meixide,  que vén sumarse así aos ilustradores que teñen colaborado con esta consellería no obxectivo de difundir as posibilidades da biblioteca escolar (Manuel Mariño/2008, Miguelanxo Prado/2009, Marina Seoane/2010,Emma Ríos/2011)

Hoxe....día de inverno

Hoxe....día de inverno, temporal...chove, fai vento e frio!!!

 O mellor que se pode facer é coller un bo libro, meterse na cama e mergullarse nel. Recoméndovos "As bruxas" do autor de contos británico de ascendencia noruega Roald Dahl. 
As bruxas en fin, xa sabedes que...

"Ninguén cre nas bruxas, pero haber hainas. E estas das que fala Roald Dahl posuén podeorosísimos nenicidas. Os nenos para unha bruxa son sucios e fedorentos, o inimigo que hai que exterminar… E non son esas vellas feísimas de voz renxente, traxes negros, sombreiros picudos e vasoiras aerodinámicas. Non. Aquí fálase das bruxas verdadeiras, das que fan traballos normais, levan unha vida normal e adoitan levar luvas porque, na realidade, teñen gadoupas por mans, pés cadrados sen dedas, e utilizan caramelos e chocolates como engado para destruír nenos. As bruxas é un libro onde o lector atopará moito humor e disfrutará coa maneira sinxela e trepidante coa que o autor mantén a súa atención. ."