CHEGARON OS NOSOS CONTOS!

Por fin chegaron a nosa biblioteca os contos feitos por todos os nenos e nenas do colexio.
Traballamos arreo durante todo o ano para facelos, pero mereceu a pena!

OS CONTOS: AULA DE 4 ANOS.

   Os nenos e nenas de 4 anos gozamos moitísimo traballando os contos que tanto nos gustan.

   Traballamos as fórmulas de comezo e final, cales son os obxectos máxicos dos contos, as personaxes... escollemos o Gato con Botas como nome de aula.

   Para rematar todo este traballo escribimos o noso propio conto "Trogloditas" que xurdiu nun momento de loucura...

   Querédelo ver? Esperamos que vos guste tanto como a nós. 

OS CONTOS: AULA DE 3 ANOS.

   As nenas e nenos de tres anos pasámolo xenial  traballando o conto de Riciños de ouro.
   Estamos rematando as nosas creacións, prestade moita atención porque axiña estarán colgadas no blogue.
 

PSICOMOTRICIDADE: FÁBULA DA LEBRE E A TARTARUGA

Os nenos de Infantil representamos a "Fábula da lebre e a tartaruga" en psicomotricidade.
Fomos a tartaruga  indo paseniño pero sin pausa e tamén fomos a fachendosa lebre, correndo moi rápido e deitándonos a comer amorodos e a durmir unha sesta.

Os nenos e nenas de Educación Infantil seguen a traballar os contos clásicos na "Pizarra Máxica" (PDI)

Toca traballar un pouco a memoria realizando a actividade "Parellas". Estámolo pasando moi ben, moi ben. on PhotoPeach

Os nenos e nenas de Educación Infantil  traballamos os contos clásicos na " Pizarra Máxica" (PDI).
Para comezar traballamos a actividade" Clasificación" que nós coñecemos como SI-NON. on PhotoPeach
Continuaremos traballando os contos na "Pizarra máxica". Ata a próxima!!!

PROXECTO DA AULA DE 5 ANOS

Os nenos e nenas da aula de cinco anos, seguimos traballando o Conto Clásico de Brancaneves. Este conto, foi escrito polos irmáns Grimm,  é un conto de tradición oral alemán, que recolleron eles por escrito. Como todos os contos clásicos estructúrase en tres partes: Inicio, nó e desenlace. Ademais tamén descubrimos que a historia dunha nena chamada: María Sophia Marghareta Catharina von Erthal, inspirou este conto.
Aquí tendes unha mostra do traballado:

Proxecto Brancaneves on PhotoPeach

Cóntasme un conto?

No mes de febreiro, os alumnos e alumnas de Infantil, tiveron a visita dalgunhas nais e pais que viñeron a biblioteca a contarnos un conto clásico como por exemplo: os Músicos de Bremen, Carapuchiña, Pinocho ou o Parrulo Feo. Foi unha experiencia moi gratificante, é por iso que queremos agradecer aos pais e nais participantes a súa colaboración.

Aquí tendes unha mostra do ben que o pasamos nesta actividade.

 

 

CONTASME UN CONTO? on PhotoPeach

PROXECTO DE CONTOS CLÁSICOS: BRANCANEVES

Na aula de cinco anos, comezamos a traballar o proxecto do conto clásico de Brancaneves e para iso creamos un recanto na aula, o recanto de Brancaneves con quebracabezas, debuxos, diferentes contos ,... Aquí tendes o noso recanto: