Unha vez máis disfrutamos no centro da visita da contadora de historias Raquel Queizás. Neste caso acudiu como parte do programa "Lectura e familias" e marabillounos co seu espectáculo "TRAVESÍAS", introducindo a nenos, mestres e familias no mundo da fantasía empregando simplemente a súa voz e elementos sinxelos como os monicreques.
Foi un pracer contar outra vez contigo!
O alumnado de 1º, 5º e 6º recibiu a visita de Érica Esmorís que lles falou sobre a súa obra e, en concreto, sobre o libro que leron en cada un dos cursos. Foi un placer compartir ese ratiño con ela! Grazas!
Este curso para conmmemorar o 8M fixemos entre todos un mural no que formamos unha silueta feminina con "carnés" de mulleres relevantes na historia. Para isto empregaron como fontes de información os diferentes recursos sobre esta temática postos a súa disposición na biblioteca.
Este mural é só un pequeno reflexo de tódalas mulleres que fixeron historia. Moitas máis seguen a loitar cada día pola igualdade, a xustiza e a liberdade. No Día Internacional da Muller, celebramos os seus logros e comprometemonos a seguir apoiando o progreso cara un mundo máis equitativo para todas.
Este ano celebramos o "Día escolar da non violencia e a paz" poñendo en marcha a III CARREIRA SOLIDARIA CARBALLAL-CABRAL co fin de recadar fondos dirixidos a favor da investigación da enfemidade Alexandre.
.jpeg)
.jpeg)
Un ano mais conmemoramos o 25N traballando co poema "Aquel príncipe arrogante" no que un dragón come ao principe por tratar mal as mulleres. A partir disto os rapaces e rapazas debían dar de comer ao dragón aquelas imaxes nas que os homes están a ter comportamentos violentos coas mulleres e colocar no "Muro do bo trato" aquelas nas que os homes amosan condutas contrarias á violencia.
Ademais, tamén preparamos na biblioteca un expositor con temática relacionada coa violencia machista, que mestres e alumnos puideron consultar ao longo de toda a semana.
✨📚Celebramos o Día das Bibliotecas Escolares 📚✨
Non hai mellor día que o 24 de outubro, día das Bibliotecas Escolares, para presentarvos o catálogo en liña (OPAC) da nosa biblioteca.
Con esta ferramenta o alumnado poderá consultar os seus préstamos vixentes e os atrasos, así como buscar nos fondos da biblioteca libros do seu interese para comprobar se os temos nos nosos andeis e se están dispoñibles para préstamo.
Tamén servirá para facervos chegar propostas de lectura e para que coñezades as novidades da biblioteca e os libros máis emprestados.
Non deixedes de visitar o noso catálogo premendo na imaxe ou no acceso directo da barra lateral esquerda.
Feliz día das Bibliotecas Escolares!
Este curso para inaugurar a biblioteca estreamos nova imaxe!
E, ademais, todos participamos nuns "Carbi-retos" que tiñan como recompensa conseguir unha das letras de título do PDI deste curso.
E, cando xa todos rematamos, descubrimos que o PDI é...
"COIDADOS QUE UNEN"
Os alumnos de 5⁰ de primaria recibiron a visita de Iria Misa, autora de "Mamá, quero ser Ziggy Stardust".
Foi un pracer compartir un tempo de charla con ela e encantounos que se integrara coma unha máis no noso grupo de debate. Grazas, Iria!
Este curso poidemos disfrutar na nosa biblioteca das maletas viaxeiras do CFR VIGO, polo que durante unhas semanas tivemos a nosa disposición máis exemplares de libros de banda deseñada/cómic e de inclusión.
O alumnado do primeiro ciclo de primaria recibiu a visita de Jorge Campos, o autor e ilustrador de "Capitán Lentella". Todos disfrutaron moito coa súa visita! Moitas grazas!
.jpeg)
.jpeg){kind=link}