O FALADOIRO 23-24

 

LETRAS GALEGAS

 Como xa ven sendo tradición, polo día das letras galegas, organizamos no centro un bonito festival onde non faltou o baile, a canción e o teatro. 

Todo elo centrado na vida e obra de Luisa Villalta, escritora homenaxeada este ano. 

OBRADOIRO DE LECTURAS E FAMILIA

 Sara e Ana de Old Teddy´s, visitáronnos para facernos pasar unha tarde xenial gozando dos xogos de mesa. Foi a nosa I XORNADA DE XOGOS DE MESA EN FAMILIA. 

25 de abril " A REVOLUCIÓN DOS CARAVEIS"

 Tal e como vimos traballando ao longo do curso no proxecto elexido pola Biblio, o 25 de abril conmemoramos a Revolución dos Caraveis no centro. 

Unha xornada fantástica, cargada emotividade con todo o alumnado cantando a Grándola e coa sorte de contar cunha magnífica acutación da profe Lucía que nos deleitou cun bonito fado. 

Non faltaron os bailes, as cancións, e as típicas natas na merenda. 

CONTACONTOS CO ALUMNADO DO IES CARLOS CASARES

     Recibimos a visita do alumnado do IES CARLOS CASARES na biblio cuns contos súper chulos e moi entretidos para os nosos/as peques!!

Moi orgullosas de que no medio destes contacontos estiveran antigas alumnas do centro!!

Foi unha actividade diferente, entretida e moi productiva!!

OBRADOIRO DE BANDA DESEÑADA

 Esta semana gozamos dun obradoiro de banda deseñada da man de Sergio Covelo, ilustrador, diseñador gráfico e historietista. Esta actividade organizada polo equipo de biblioteca gustou moito entre o noso alumnado descubrindo grandes promesas neste eido!!

Seguimos con novidades lectoras!!!!

 Pois despois do gran espurgo que levamos a cabo na biblio era necesario volver a encher os estantes de interesantes novas lecturas. Pouco a pouco imos actualizando as nosas coleccións sempre dispoñibles para toda a comunidade educativa!!

"ANXELA E SPENCER" de Carlos Meixide

 No terceiro ciclo traballamos na lectura "Ánxela e Spencer" do escritor Carlos Meixide e tivemos a sorte de que nos visitase e poder facerlle un montón de preguntas. Foi moi amable explicándonos e contándonos moitas cousas tanto das súas obras como da súa vida como escritor. 

Un pracer poder contar con tan grandes persoas da cultura galega. 

"LECTURAS EN FAMILIA"

 Durante o mes das letras, visitaronnos familiares do alumnado para compartir connosco unhas fantásticas sesións de contacontos!!

Agradecemos moitísimo a colaboración dos papis e as mamis que acudiron á nosa convocatoria e que fixeron especial estos momentos de lectura compartida!!

LECTURAS COMPARTIDAS EN GALEGO POLO MES DAS LETRAS!!

 Durante o mes de maio, o alumnado de 6º, 5º, 4º e 3º organizarase en grupos e prepararán unha lectura para visitar as aulas dos cursos máis pequenos e facer unha sesión de contacontos durante a sesión de lectura!!

Prepararon moitísimo material e traballaron arreo para divertir e entreter aos máis cativos e cativas do centro!!

Noraboa rapazada!!! 

DÍA DO LIBRO

 Como cada ano, o 23 de abril celebramos o día do libro. Organizamos unha divertida actividade de lectura compartida con todo o alumnado do centro!!

Xuntos/as elaboramos a terceira edición do noso libro de ilustracións TI + EU = UN LIBRO!

Bótalle un ollo!! Estará na biblioteca para goce de toda a comunidade educativa!!

"A ABELLIÑA QUE PERDEU AS ÁS"

 Que sorte tivemos coa visita de Ramón Nogueira!! Charlamos sobrre a lectura que estivemos a traballar en 1º e 2º de primaria, "A abelliña que perdeu as ás" e quedamos encantados/as, ademais firmou todos os nosos libros!!

Moitas grazas!!!

XVI CERTAME LITERARIO

Outro ano mais celebramos no noso centro o Certame Literario, animádevos a participar!

NOVIDADES NA BIBLIOTECA!!!

Presentámosvos as novidades da biblio que xa están dispoñibles para goce e desfrute de toda a comunidade educativa!! "A lectura é para a mente o que o exercicio é para o corpo".

RECOMENDACIÓNS LECTORA PARA O NADAL

E que mellor agasallo se pode pedir que un conto que nos axude a viaxar, imaxinar, soñar e vivir mil aventuras!!! Aquí van as nosas recomendación lectoras!!

DÍA ESCOLAR DAS BIBLIOS

Como cada ano convertimos o cole nun gran conto e todas as nosas personaxes favoritas cobraron vida. Foi maxia!!