RECOMENDACIÓNS LECTORAS PARA ESTE NADAL

 

25 N DÍA DA ELIMINACIÓN DA VIOLENCIA MACHISTA

Un ano mais conmemoramos o 25N traballando co poema "Aquel príncipe arrogante" no que un dragón come ao principe por tratar mal as mulleres. A partir disto os rapaces e rapazas debían dar de comer ao dragón aquelas imaxes nas que os homes están a ter comportamentos violentos coas mulleres e colocar no "Muro do bo trato" aquelas nas que os homes amosan condutas contrarias á violencia.

Ademais, tamén preparamos na biblioteca un expositor con temática relacionada coa violencia machista, que mestres e alumnos puideron consultar ao longo de toda a semana.

Cabe destacar tamén que, uns días antes, tivemos no cole a @raquelqueizas, unha marabillosa contadora de historias que nos achegou á vida de Nellie Bly para ensinarnos que a igualdade está na nosa man e que dramatizou tamén o conto "O chuvasqueiro de Aurora" (co cal conmemoramos o 25N o curso anterior).

Esta visita forma parte do 2º premio conseguido polo alumnado de 6º no concurso da Deputación de Pontevedra "E ti... que pensas da igualdade?"

 

DÍA DAS BIBLIOTECAS ESCOLARES

✨📚Celebramos o Día das Bibliotecas Escolares 📚✨

O día 24 de outubro o noso colexio encheuse de historias, ilusión e sorrisos para conmemorar o Día das Bibliotecas Escolares. Foi unha xornada para lembrar que os libros son portas abertas a mil mundos e que ler dende pequenos axúdanos a medrar curiosos, creativos e libres.

A nosa biblioteca escolar non é só un lugar cheo de libros, senón un espazo vivo onde o alumnado descobre o pracer da lectura, aprende a soñar e a pensar por si mesmo. 🌟

Sigamos fomentando entre os nenos e nenas o amor polos libros, porque cada historia lida é unha semente que florece no seu corazón e na súa mente. 💫📖

Personaxes de moitísimos contos visitaron a nosa biblioteca e compartiron xuntos da lectura de contos relacionados co PDI deste curso.

PRESENTAMOS O CATÁLOGO DA NOSA BIBLIOTECA

Non hai mellor día que o 24 de outubro, día das Bibliotecas Escolares, para presentarvos o catálogo en liña (OPAC) da nosa biblioteca. 

Con esta ferramenta o alumnado poderá consultar os seus préstamos vixentes e os atrasos, así como buscar nos fondos da biblioteca libros do seu interese para comprobar se os temos nos nosos andeis e se están dispoñibles para préstamo. 

Tamén servirá para facervos chegar propostas de lectura e para que coñezades as novidades da biblioteca e os libros máis emprestados.

Non deixedes de visitar o noso catálogo premendo na imaxe ou no acceso directo da barra lateral esquerda.

Feliz día das Bibliotecas Escolares!

INAUGURACIÓN DA BIBLIOTECA NO CURSO 2025/2026

Este curso para inaugurar a biblioteca estreamos nova imaxe!

E, ademais, todos participamos nuns "Carbi-retos" que tiñan como recompensa conseguir unha das letras de título do PDI deste curso.

E, cando xa todos rematamos, descubrimos que o PDI é...

"COIDADOS QUE UNEN"

                               

O Faladoiro 2024/2025

Para poder ler a nosa revista preme na imaxe

 

VISITA DE IRIA MISA

Os alumnos de 5⁰ de primaria recibiron a visita de Iria Misa, autora de "Mamá, quero ser Ziggy Stardust".

Foi un pracer compartir un tempo de charla con ela e encantounos que se integrara coma unha máis no noso grupo de debate. Grazas, Iria!

MALETAS VIAXEIRAS DO CFR VIGO

Este curso poidemos disfrutar na nosa biblioteca das maletas viaxeiras do CFR VIGO, polo que durante unhas semanas tivemos a nosa disposición máis exemplares de libros de banda deseñada/cómic e de inclusión. 

JORGE CAMPOS

O alumnado do primeiro ciclo de primaria recibiu a visita de Jorge Campos, o autor e ilustrador de "Capitán Lentella". Todos disfrutaron moito coa súa visita! Moitas grazas!

REFRÁNS E HISTORIAS ASOMBROSAS.

O alumnado de 4º de primaria fixo unha recollida de refráns e ditos da tradición oral galega. Nesta recollida participaron pais, nais, avós, avoas...

Despois da recollida decidimos transcribilos para compartilos co resto de alumnos/as do colexio.

Para completar o noso traballo creamos historias que rematan cun dito ou refrán da nosa escolla.

Todo isto ilustrado con moito cariño.

Velaquí queda a proba.

VISITA DE AUTORES

Os alumnos do 2º ciclo de educación primaria recibiron a visita de María Canosa, autora do libro "Escola de bruxas", e os do 3º ciclo a de Carlos Meixide, autor do libro "Ánxela e Spencer". Grazas polas vosas visitas!

ABRIL, mes do libro!

Para conmemorar o día do libro decidimos adicarlle o mes enteiro! Comezamos o mes celebrando o apradiñamento lector "TI+EU=UN LIBRO", no que maiores e pequenos disfrutaron compartindo unha sesión de lectura ao aire libre.

Tamén, todos os días, os máis pequenos difrutaron dunha sesión de contacontos levada a cabo polos alumnos de  3º, 4º, 5º e 6º.

E, o 23 de abril, "Día do libro" disfrutamos do concerto de Brais das Hortas. Pasámolo xenial!

Día de Rosalía de Castro

Este curso para conmmemorar o "Día de Rosalía de Castro" todos participamos nun acto no que os rapaces e rapazas de cada curso recitaron poesías, cantaron cancións ou aportaron datos sobre Rosalía de Castro, empregando para iso os fondos da exposición de Rosalía de Castro da biblioteca.

E, ademáis, todos disfrutamos da marabillosa actuación de Manuela Varela no seu espectáculo "ROSALÍA TEN PODERES"

CONCERTO DE BRAIS DAS HORTAS

Este ano, como parte do plan "Lectura e familias", tódala comunidade educativa (alumnado, profesorado e familias) poderá disfrutar do "Consertasso na horta" de Brais das Hortas. Esperámosvos!

Recomendacións lectoras

Este curso, igual que en anos anteriores, o noso alumnado está a recomendar a todolos seus compañeiros os seus libros favoritos, polo que, se non sabedes que libro ler, acudide ao taboleiro das recomendacións!

Deseña a porta da túa biblioteca

Este curso decidimos mellorar un pouco a imaxe da nosa biblioteca decorando a súa porta. Para isto animamos a todo o alumnado a participar no concurso "Deseña a porta da túa biblioteca", do cal resultuo gañador o deseño da nosa alumna Lía. Noraboa!

NOVOS RETOS DE POLOS CREATIVOS NA BIBLIOTECA

Durante o mes de febreiro o alumnado puido coñecer novos recursos de POLOS CREATIVOS levando a cabo a proposta do CFR de Vigo para o "Día da muller e a nena na ciencia":

E participando no reto "KORBO":

RETO MAGSMASTERS

No mes de xaneiro os nenos e nenas do cole participaron nun novo reto de POLOS CREATIVOS na biblioteca.

Recomendacións lectoras para o nadal